ice cream

Boddingtons, the "Cream of Manchester."

Ice, the cream of Antarctica:

Click image for large version (1024 X 768, 116K).

This surreal mama of a pic courtesy of my colleague David Lee, who recently returned from his year-end vacation with family at, well, the South Pole.

Feel free to use as screen wallpaper.

良辰美景

漁護署表示，他們昨日已將凹頭楊屋村發現的 6 個疑似紅火蟻的蟻丘，以及濕地公園 40 個疑似蟻丘中的 19 個撲滅。市民毋須恐慌。

天花亂墜

「星沉海底當窗見，雨過河源隔座看。」
李商隱‧碧城三首

《星島日報》好文筆！張力直逼《太陽》同《蘋果》。令一眾市民掌聲雷動，興奮莫名：

---

人蟻大戰  半數村民被咬傷

（星島日報 1 月 26 日報道）紅火蟻攻陷台灣之際，疑隨「回收垃圾」出口，越洋遠走廣東，進軍幅員廣大的內地，引起民眾恐慌。據本報記者到官方證實受毒蟻侵襲的湛江吳川市直擊發現，紅火蟻兵團大舉侵襲一條小村落——陳村，半條村村民被咬傷。當局急派杜蟻藥，眾人撒藥兼火攻，三個月來與紅火蟻大戰後，毒蟻暫時敗陣，殘餘部隊退守八百米外農地築巢，相信第二次人蟻大戰一觸即發。

---

「殘餘部隊退守八百米…」david 實在佩服得無話可說。

samsara

「今天少年人，他朝老年人，不知有沒有改變…」

幾星期前，我做事間雜貨鋪個 marketing manager 隨興提起霑叔。佢話始終覺得霑叔咁多年來填o既詞一定係有個章法o既…

『我番屋企聽多兩次「輪流轉」然後話你知。』

david 心諗…

佛經。

報章隨口話霑叔「晚年信佛」。david 覺得未必；皆因廿幾年前已經有跡可尋。《上海灘》脫胎自楊慎填o既《臨江仙》：

「滾滾長江東逝水，浪花掏盡英雄。事非成敗轉頭空…」

頗有出塵之意；到o左《上海灘龍虎鬥》話「忘掉愛癡怨恨」，都幾明白係講緊「貪、嗔、癡」三大戒咯。

至於「輪流轉」，嘻…

言歸正轉；講起與佛有緣，呢篇o野係整o黎送畀我老死韻儀o既。前排當 david 仔仲等緊雙糧萬事都得個諗字個陣，韻儀話笛就笛，走左去尼泊爾索柏喇嘛座下間寺院度坐左一個月禪。

佢番o黎後畀本功課簿我睇；係源自阿底峽尊者《菩提道燈》o既法寶。小弟掀開八卦o下，韻儀二話不說就隨手指住個「輪迴」；就係上面幅公仔。

呢個「生死輪」o既中心係鴿、豬、同蛇；分別代表霑叔時不時提起
o既「愛、癡、怨恨」。貪嗔癡三隻小動物你追我，我咬你，團團轉就轉o左個大鑊出o黎…

釋尊話過，佢成佛之後無論直接或間接講o既所有開示，絕無例外係教人點可以唔駛再響「天、人、阿修羅、地獄、餓鬼、畜牲」六道入邊一世復一世咁夢遊。世尊係如語者、實語者、不妄語者；從不嘩眾取寵。可見呢句說話其實講得幾重。

但係 david 呢個門外漢之所見，十個自謂「佛教徒」（包括和尚），似乎有九個對出火宅走投冇乜興趣；都唔知幾鍾意紅塵十方。學法只係想睇o下點樣可以響得失榮辱聚散入面過得舒服少少（GOD，住好D？）。一頭話學「無常、苦、無實我」，轉頭夾錢起個健力士世界大銅佛搞乜鬼？所以見到韻儀乜o野發財密咒、禱文都唔理，一手指住個輪迴；小衲確實覺得有 D 奇…

小衲抬頭望望；弊傢伙，好似見到韻儀頭頂隱隱有個光圈添。

曹仁超 05 年持盈保泰七部曲

---

（ 摘自 2005 年 1 月 4 日《信報》曹仁超《投資者日記》）

2004 年你做過乜令你賺錢？2005 年請繼續做。2004 年你做過乜令你損失？2005 年請唔好再做。這些睇落好簡單，卻將人分成成功與失敗。祝各位 2005 年更富有、更健康同時更聰明。

2005 年財政上持盈保泰七部曲：

• 增加儲蓄，減少無謂消費。
  
  
• 千萬不可用信用卡貸款，此乃壞習慣。
  
  
• 重整投資組合，賣掉蝕本貨，留住賺錢貨，但記住落止蝕盤，一旦從高位回落 10-15% 便計數離場。
  
  
• 檢討一下保單，睇睇係咪足夠日後退休用，唔好相信 2005 年較 2004 年更好。
  
  
• 停止細屋換大屋行動。
  
  
• 最少將收入 5% 留起o黎作不時之需。
  
  
• 建立「危機基金」，即撥出一筆錢作不時之需。
  
  

2005 年投資策略以穩定甚至略帶保守為主。

---

按：曹大哥有的是睿智、關係、同經驗；小弟其實冇置喙餘地。但我 D 老友記之中能人異士唔少；人人出街過節花費時，david 見到佢地一個個反而潛龍勿用，只管塞實個龍門。雨林冇哂雀，可能真係要小心…所以將《信報》篇o野節錄出o黎比大家參考o下。